"Həyata dön" Gülsərən Budayıcıoğlunun real hadisələr əsasında qələmə aldığı olduqca maraqlı əsərlərindən biridir.
Kitabda təsvir edilən ümumi hadisələr fonunda xüsusi yeri "əsl həyat hekayəsi"nin əsas qəhrəmanı Ala adlı qız tutur. Süjet xəttində uşaqlıq çağlarında aldığı psixoloji travmadan, o travmanın nəticəsi olaraq şəxsi həyatının uğursuzluqlarından və həkim-psixoterapevtin apardığı çoxsaylı faydalı seanslardan bəhs edilir.
Bu seanslar nəticəsində Ala həyatını məhv etməkdən xilas olaraq “həyata dönür".
Kitabda insan taleyinin - "alın yazısı"nın rolu haqda diqqətçəkən məqamlar vardır. Belə ki, taleyimizi valideynlərimiz, xüsusən də anamız - bir sözlə, doğulub böyüdüyümüz kiçik cəmiyyət yazır... Demək, bir insanın başına gələcək həyat hadisələri, necə deyərlər, göydən düşmür, elə Yerdəcə həllini tapır. Uşağın doğulduğu mühitin şəffaflığı onun həyatdakı uğurudur...
Əsər geniş oxucu auditoriyası üçün nəzərdə tutulur.
Facebookdan gələn rəylər
Rəylər
Rəy yaz