Elm və fəlsəfə ilə poeziyanın çox dərin bağlılığı var. Onların özü­nə­məxsus sərhədini alim, filosof və şairlərin bəzən adlayıb keç­məsi elə bu “qan qardaşlığının” təsdiqidir. Kitaba Rahid Uluse­lin məhz poeziya və fəlsəfənin vəhdətindən yoğrulan ayrıcları – ikilik, dörd­lük və rübailəri (poetik aforizmin yeni örnəkləri), bir neçə seç­mə şeiri daxil edilmişdir. Dəyərli oxucularımız fərqinə var­sın ki, bu yazı­lar – bir şairin deyil, bir filosofun yazdığı şeirlərdir.