Dədə Qorqud qədim oğuzların bayat tayfasından çıxmış böyük bilici idı. Nə deyirdisə, olurdu. O, gələcəkdən qəribə xəbərlər verərdi. Dədə Qorqud oğuzların çətin işlərini yoluna qoyardı. Odur ki görəcəkləri hər bir işi onunla məsləhətləşər, buyurduğunu
yerinə yetirərlərdi. Dədə Qorqud həm də Uca Tanrının könlünə ilham verdiyi ozanlar ozanı idi. O, qopuz çalar, hünər göstərmiş oğuz igidlərini tərifləyər, adına dastanlar qoşardı. Sonrakı nəsil ozanlar bu dastanları el şənliklərində söyləyər, xalq arasında yayardı. Dədə Qorqudun düzüb-qoşduğu bu dastanların bir çoxu yazıya alındığı üçün günümüzə qədər gəlib çatmışdır. Əziz uşaqlar, həmin dastanları oxumaqla Siz xalqımızın keçmişini öyrənəcək, adət-ənənəsi, yüksək əxlaqi dəyərləri ilə yanaşı, igid oğul və qızları haqqında bilgilərə yiyələcəksiniz. Bu kitabda Qazan xanın əjdahanı necə öldürməsindən bəhs olunur. Xoş oxumalar! Dədə Qorqud demişkən, uğurunuz daimi olsun!
Facebookdan gələn rəylər
Rəylər
Rəy yaz