Əziz oxuyucular, əvvəlcə kitabın adının niyə “İnsan və dünya” olduğunu izah etmək istəyirəm.
Mənim üçün insanlar, onların düşüncələri və dünyada yaşam tərzi həmişə çox maraqlı olub. İnsanların bir-birinə rəftarı, dünyaya baxışları, özlərinə və ətrafına qarşı davranışları mənim daim diqqətimi çəkib. Elə buna görə də kitabın adı “İnsan və dünya” oldu – çünki bu kitab insanın daxili aləmi ilə ətraf aləmin qarşılıqlı təsirini araşdırmaq istəyir.
“Qaranlıq qəfəslər” adı isə buradan gəlir. Qəfəslər bir varlığı əsr saxlamaq üçün istifadə olunur; mən bunu düşüncə ilə əvəz etmişəm. Qaranlıq isə boşluqdur – heç nə görmədiyin, hər yerin boş olduğu vəziyyət.
Düşüncələrin əsiri olan insan isə elə bu boşluğa
məhkum olmuş insandır. Bu kitabda hər bir fəsildə insanın daxili aləmi ilə dünyanın sərhədləri arasında bir səyahət görəcəksiniz. Oxuyarkən, bəlkə, öz düşüncələrinizin qəfəsində gizlənmiş suallarla qarşılaşacaqsınız. Hər səhifə insanın özünü və ətrafını dərk etməsi üçün bir çağırışdır. Məqsədim oxuculara yalnız mövcud reallığı göstərmək deyil, həm də onların iç dünyasında yeni qapılar
açmaqdır. İnsan
və dünya arasında davam edən bu qarşılıqlı təsir düşüncələrin işığı və qaranlıq boşluqları ilə dolu bir labirintdir. Bu labirintdə yol
tapmaq isə hər birimizin öz əlindədir.
Facebookdan gələn rəylər
Rəylər
Rəy yaz