İstanbul bir nağıldı - Mario Levi

Kitab yazıçının ailənin yaxın dostu olan qəhrəmanı tərəfindən ayrı-ayrı hekayələr şəklində yazılır. Bu hekayələrdə bir nəfərin taleyindən bəhs edərkən bəzən onun həyatından keçmiş ikinci, hətta üçüncü şəxsin taleyinə keçir. Xəyal qırıqlıqları, ümidsizliklər, tənhalıq içində ölümü gözləyən insanlar bu hekayələrin əsas ortaq cəhətləridir.

Böyük yanğını yaşamış, itkilərdən, ölümlərdən keçmiş ailənin üzvləri sürükləndikləri tənhalıq yollarında zaman-zaman “yəhudi talelərinə”, zaman-zaman bir-birlərinə, zaman-zaman da özlərinə, həyatda oynadıqları rola sığınırlar. Ailə sərhədlərini keçə bilməyənlərin sığınmaları, öz yolunu cızmaq üçün İstanbul divarlarını aşanların yaşadığı tənhalıqlar, Nədiminsə “həbs düşərgələri”ndən gələn xəbərləri həyatın ağırlığını insana dərindən hiss etdirir.