Tarix - yalnız keçmişin tozlu səhifələri deyil. O, insanlığın yaddaşıdır; xalqların sevinci, göz yaşı, hünəri və xəyanətidir. Tarix - yaşanmış, iz buraxmış, unudulmuş, yenidən xatırlanmış bir həyatın bütöv aynasıdır. O, bir millətin kimliyidir, yaddaşdan silinsə, varlığını itirər. Amma tarix yalnız baş vermiş hadisələrin sadalanması deyil. Tarix - izahdır. Təhlildir. Tarix nə baş verdiyini deyil, niyə baş verdiyini soruşar. Sual verər: "Nə üçün bir imperiya süqut etdi?", "Niyə bir xalq ayağa qalxdı?", "Necə oldu ki, bir fikir dünyanı dəyişdi?" Tarix-insanların zamanla olan münasibətidir. Zaman isə amansızdır; keçmişi daşıyanlar ya unudular, ya da örnək olarlar. Burada seçim bizə aiddir: keçmişə baxıb öyrənməkmi, yoxsa unutmaq və eyni səhvləri yenidən təkrarlamaqmı? Əsrlər boyu fatehlər gəlmiş, dövlətlər qurulmuş, darmadağın olmuş, məmləkətlər yanmış, xalqın dilində dastanlar doğmuşdur. Lakin bunların hamısı -yalnız torpaq, silah, qan deyil. Bütün bu proseslərin arxasında insan var, onun əqidəsi, arzusu, qorxusu, və zamanla apardığı mübarizə. Tarix həm də bir güzgüdür - təkcə xalqlara yox, fərdlərə də özünü göstərər. Bir tarixçi keçmişə baxanda sadəcə bir sənəd araşdırmır - o, insana baxır. İnsanın öz nəfsinə, hakimiyyətə, inanca, ailəyə və düşmənə münasibətinə... Bəli, tarix keçmişdə qaldı. Amma insan dəyişmədikcə, o keçmiş yenidən və yenidən yaşanacaq. Elə bu səbəbdən tarix oxumaq sadəcə bilik toplamaq deyil - həyatın dərinliyini anlamaqdır. Bu kitabda sadəcə illər deyil, ruhlar danışacaq. Sadəcə idealar yox, xalqın səssiz fəryadı da eşidiləcək. Və hər bir səhifədə bir sual səssizcə səslənəcək: Sən bu tarixin içində haradasan?
Facebookdan gələn rəylər
Rəylər
Zeynal Hüseynli
Fərqli bir baxış bucağı təklif edir. Ümumən bəyəndim
Səid Tuşiyev
Deyilə biləcək tək bir söz var. Oda möhtəşəm sözüdür. Bu kitabın müəllifləri isə ayrı sevindirdi məni. Vətənimizin belə gənclərə ehtiyacı var.
Fatimə Muradlı
Oxuduğum kitabların arasında özünə xüsusi yerini aldı
Aysu Gözəlova
Tarixi sintezlər,hadisələr arasında qurulmuş məntiqi əlaqələr dəhşətli ləzzət elədi. Belə kitablar çox nadirdi,qədrini bilmək lazımdı
Ziya Məhərrəmov
Bu kitab həqiqətən möhtəşəmdir. Bu yaşda belə bir kitab yazıb çıxartmaq həqiqətən təqdirəlayiqdir. Azərbaycan xalqının belə gənc şəxsiyyətlərə ehtiyacı var.
Tahir Əhmədzadə
Dərin və detaylı yazılmış əsərdi. Ən əsası haqqını verir yəni mən çox bəyəndim
Aysel Fərmanqızı
Əvvəl tərəddüd edirdim almağa ama indi deyirəm ki, nə yaxşı almışam.Çox əla əsərdi
Fuad Bağırov
Muazzam ötəsi bir kitabdı
Ziya Əliyev
Alıb qətiyyən peşman olmayacağınız bir əsərdi
Əli Qasımov
Ümum olaraq söz yoxdu bu əsərə
Samir Vəliyev
Çox möhtəşəm bir əsərdi. Kitabı oxuyun bitirdikdən sonra birdə heç vaxt eyni baxış bucağı ilə baxmırsan dünyaya
Rəy yaz