Cənab Nakamuranın arvadı birdən-birə kəpənəyə dönür. Dedi-qodu başlayır. Bəs Nakamura özü nə deyir? Niyə məhz kəpənək?

Hər bir qadın ərə gedib öz isti yuvasını qurmağa çalışır. Lakin sonradan özünü dörd divar arasında dustaq kimi hiss edir. Bu zaman onun qəlbində kəpənəyə dönmək arzusu baş qaldırır. Bu, azad, sərbəst, sevincli həyata qovuşmaq deməkdir.

Bəs bu arzu reallaşsa necə?

Dünyanın müxtəlif dillərinə tərcümə edilmiş əsər evdar qadınların yeknəsəq, cansıxıcı həyatından bəhs edir.

Yazıçı əsərin baş qəhrəmanı olan qadının dilindən onun hisslərini, duyğu və düşüncələrini ustalıqla nəql edir.