Təbii seçmə prosesi necə gedir? O, mürəkkəb canlı orqanizmlərin izahı üçün kifayətdirmi? Kor, idarəolunmaz bir qüvvənin insan gözü, yaxud yarasanın exolokasiya aparatı kimi mürəkkəb qurğunu yaratması mümkündürmü? Darvin hələ öz zamanında bu suallara inandırıcı cavablar vermişdi. Elm hər yeni onillikdə bu cavabların doğruluğuna daha çox sübutlar təqdim etsə də, çoxları əvvəlki kimi şübhə içərisindədir. Məşhur ingilis bioloqu, elmin populyarlaşması və kreasionizm (yaradıcılıq) uğrunda mübariz Riçard Dokinzin “Kor saatsaz” kitabı dünyaya təkamül gözü ilə baxmağı müdafiə edir və Darvin nəzəriyyəsi ətrafında mövcud olan mifləri aydınlaşdırır. Dokinz heç vaxt konkret bir elm sahəsinin problemi ilə məhdudlaşmır, son nəticədə, o, bütövlükdə elmi dünyagörüşün fəlsəfi əsaslarından bəhs edir. Müəllifin iti ağlı və geniş erudisiyası imkan verir ki, kompüter proqramlaşdırılmasından tutmuş Şekspir poeziyasına qədər ən müxtəlif sahələrə aid nümunələrə asanca əsaslana biləsən. Şübhəsiz, bu amil “Kor saatsaz” kitabının artıq üç onillik ərzində bestseller olaraq qalmasında mühüm rol oynayıb.
Facebookdan gələn rəylər
Rəylər
Rəy yaz