Məşhur insanların şəxsi həyatı bütün dövrlərdə hamı üçün maraqlı olub. Həmin məşhuru başqa bir məşhurun baxış bucağından görmək isə ikiqat maraqlıdır. Bu mənada əlinizdəki kitabın dəyəri çox böyükdür. Burada gənc, istedadlı bir müəllif dahi Tolstoyla ünsiyyətini, ondan öyrəndiklərini səmimi duyğularla qələmə alıb. Əslində, bu iki yazıçının təkcə yaşı deyil, dünyagörüşü də xeyli fərqli idi. Kitabın daha bir üstünlüyü müxtəlif mövzularda aparılan polemikalardır. Qorki bir çox fikirləri ilə razılaşmasa da, Tolstoyu çox yüksək qiymətləndirir, onu dahi kimi qəbul edir. Kitab Tolstoyu daha yaxından tanımaq üçün tutarlı bir mənbədir.