Momonun hekayəsi yeri bəlli olmayan xəyallar ölkəsində və bilinməyən indiki zamanda baş verir. Lakin hekayədə şahzadələrdən, tilsimlərdən, pərilərdən deyil, tamamilə müasir həyatımızın hadisələrindən bəhs edilir. Momonun köməyi ilə insan münasibətlərinin necə cılızlaşdığının, sevgi, dostluq və qardaşlıq dəyərlərinin necə zəiflədiyinin şahidi olacaqsınız. Yazıçı sürü psixologiyası halında yaşayan, həyatına, zamanına, gələcəyinə kobud şəkildə müdaxilə olunan insanın faciəsini nağıl edir. Bu bir nağıldırmı? Əgər romantiklərin yanaşması ilə qəbul olunarsa, bəli. Çünki əsərdə reallıqla təxəyyül poetik formada təqdim olunur. Əsər həmçinin insanın hazırda yaşadığı və gələcəkdə yaşaya biləcəyi çətinlikləri diqqət mərkəzinə çəkir. Belə olan halda biz bu əsəri roman kimi qəbul edə bilərikmi? Yaxşısı budur, biz onu nağıl-roman adlandıraq.
Facebookdan gələn rəylər
Rəylər
Rəy yaz