Bu kitabın yazılma səbəbi çox adidir. Son vaxtlar yaşımın ahıl çağında övladlarım, yaxın qohum və dostlarım təşəbbüs göstərərək doğum günümü keçirirdilər. Adəti üzrə doğum günü tədbirlərim xudmani toy məclisini xatırladırdı. Ünvanıma xoş sözlər deyilir, qiymətli hədiyyələr verilirdi.

Belə tədbirlərdən sonra övladlarım, yaxın tanışlarım keçdiyim həyat yolu barədə xatirə yazmağımı təkidlə təklif edirdilər. Odur ki, yaddaş zəifləməsi baş verməmiş belə bir xatirə yazmağı qərara aldım. Bu kitabı onlara hədiyyə vermək həvəsinə düşdüm. Beləliklə, xoş xa­tirələrlə zəngin olan ötən günlərə xəyallarımla, yaddaşımın gücü ilə “səyahətə” başladım. Ömür yolumun yaddan çıxmaz xatirələrini rəsmi tərcümeyi-halım əsasında qələmə aldım.