Ədəbiyyatşünaslar elmi fantastikanın bir janr olaraq tam formalaşmasını ötən əsrin 20-ci illərinə aid edirlər. Elmi fantastika Azərbaycan ədəbiyyatında geniş yayılmasa da, bəzi örnəkləri olmamış deyil. Yazar Fərhad Məmmədovun bu janra üz tutması bəlkə də ədəbiyyatımızda «elmi-fantastik boşluğu» müəyyən qədər dolduracaq və öz azərbaycandilli oxucu çevrəsini yaradacaq. «On il zirzəmidə» kitabına gənc yazarın «Qorxulu əhvalatlar» mistik və elmi-fantastik hekayələr silsiləsindən iki – «Neyrotron» və «On il zirzəmidə» hekayələri salınıb. Hekayələr gözlənilməz, qorxulu və ağılçaşdıran süjet xətti ilə maraq doğurur.