Əsgərlikdən yenicə gəlmiş Məti adlı gənc oğlan
mümkünsüz və eyni zamanda, müqəddəs heç nə
bilməyən rayonun əsas avtoriteti Əlizamanı öldürür.
O, həyatda çoxlarına kömək edib – kimini işə, kimini
instituta düzəltməklə. Amma bir çoxunun taleyini kor
qoyub. Hərdən işlərinə yarasa da, onsuz işləri keçməsə
də kənd camaatı Əlizamanı sevmir. Meyiti ortada qalır.
Heç bir kənd adamı, Əlizamanın heç bir tanışı onu son
mənzilə yola salmağa gəlmir. Nə erməni sevgilisi Anuş,
nə doğma qardaşı Heydər onun cənazəsini dəfn etməyi
boynuna çəkir. Həyat yoldaşı isə saatlarla tərəddüd
içində çırpınır. Son anda Əlizamanın iylənməkdə olan
cəsədinə əyri yollarla qazandığı pullar və qadının artıq
məhv olmuş sevgi hissləri kömək olur...