Özünə yox de!..

Dünyanın bütün sakinlərinin ortaq bir xüsusiyyəti var hamı həyatının ən azı bir sahəsini yaxşılaşdırmağa cəhd edir. Mücadilə ömrümüzün sonuna qədər davam edir. Bu savaşda ilk və ən əsas rəqibimiz özümüzük. Bəzən səbəbkarı və günahkarı çox uzaqda axtarırıq, amma o bizə nəfəs qədər yaxındır. Əlində tutduğun bu kitabla sən özünü dərketməyi, bu yolda “mən”ini tərbiyələndirməyi, məqsədlərinə çatmaq üçün daxilində gizlənən düşmənə necə YOX deməyi öyrənəcəksən.

Özünün yaradanı ol. Özünü yenidən, qüsursuz şəkilde inşa et. Bunun üçün heç vaxt gec deyil. “Məndən keçdi” demə, özünə qayıt, özünə yenidən bax, “mən”ini yenidən qur.