Türk tarixinə dair ən yaxşı tədqiqat işlərindən hesab olunan kitabda qədim türk dövlətinin yaranması, inkişafı və süqutundan bəhs edilir. Müəllif türklərin siyasi həyatını, məişətini, dini görüşlərini və mədəniyyətini zəngin materiallar əsasında araşdırır, iki dövrün qovşağında – Qədim və Orta əsrlərdə geniş bir coğrafiyada yaşayan köçərilərin həyat tərzini işıqlandırır. Kitab qədim türklərin tarixinə yeni müstəvidən yanaşmasına görə də xarakterikdir.