Qızılbarmaq Fatma

İnsan həyat yolunu özü seçir. Bu seçim bəzən könüllü, bəzən isə, təəssüf ki, məcburi olur, çünki həyat çox vaxt insanın qarşısında elə şərtlər qoyur ki, onlardan aşıb, yolun hamarını seçmək çox çətin, bəzən hətta qeyri-mümkün olur. Yazıçı İlqar Əlfioğlunun yeni sənədli-bioqrafik romanının qəhrəmanı da, əslində öz yolunu özü seçə bilməyənlərdəndir.

Kitab oxucunu 50-70-ci illərin kriminal aləminə aparır, qəhrəmanın öz dili ilə indi bizə uzaq olmuş tarixin dolanbaclarında gəzdirir, əsl sərgüzəştlər yaşadır.

Bu kitab artıq həyatda olmayan, zavallı bir qadına, həm də, unudulmaqda olan Köhnə Bakıya nisgilli epitafiyadır.