Azərbaycanın Xalq şairi, millət vəkili Sabir Rüstəmxanlının 15
cildlik Seçilmiş Əsərlərinin 8-ci cildinə oxucular tərəfindən böyük
maraqla qarşılanmış “Difai fədailəri” və “Akademikin son əsəri”
adlı romanları daxildir. Bu romanların qəhrəmanlarını biri-birindən
yüzillik məsafə ayırır; lakin onlar eyni ideyanın daşıyıcıları və
vətənə xidmətdə eyni mövqedə dayanan insanlardır.

Çar Rusiyasının “ayır-buyur” siyasəti sonucunda Güney Qafqaz-
da iki qonşu xalq arasında başlanan düşmənçilik, daşnak-bolşevik
birliklərinin Azərbaycanda törətdikləri qırğınlar və bu faciələrin
qarşısını almaq üçün, başda Əhməd Ağaoğlu və Gəncə ziyalıları
olmaqla, yaradılan müqavimət hərəkatı “Difai fədailəri” romanında
ilk dəfə olaraq geniş bədii əksini tapmışdır.

“Akademikin son əsəri” isə Azərbaycanda yüz il boyunca davam
edən genetik savaş və bu savaş tarixini araşdıran böyük alim, mü-
haribə qəhrəmanı Ziyad Şıxlının mürəkkəb həyat yolu haqqındadır.

Hər iki əsərdə ictimai hadisələrin içindən keçən son dərəcə təsir-
li və zərif sevgi süjetləri də yer almışdır.