Pavel fabriklərdə çox ağır şərtlər altında işləyən minlərlə fəhlədən biridir. Onun azadlıq haqqında fikirləri əvvəlcə öz anasını qorxudur. Lakin zaman keçdikcə qadın inqilabi hərəkatın bayraqdarlarından

birinə çevrilir. Müəllifin sürgündə yazdığı roman 1905-ci il inqilabı ərəfəsindəki Rusiyanın sosial mənzərəsini ustalıqla yaradır. Bununla da yeni düşüncənin və sosial oyanışın simvoluna çevrilir.Dünyanın bir çox dillərinə tərcümə olunmuş “Ana” romanı sosialist realizminin şah əsərlərindən sayılır. O, sinfi mübarizə tarixinə misilsiz xidmət göstərmiş, bu mübarizəyə yeni pafos, yeni ruh, yeni nəfəs gətirmişdir.