Dəyərli oxucularım, kitabların əvvəlindəki bu “müəllifdən” bölümünü heç sevmirəm. Həmişə kitab oxuyanda, bu yerini sonraya saxlayıram. Bütün kitab elə müəllifdən deyil ki? Buranı adlayıb yazmaq istəmirdim, amma sonunda belə qərara gəldim ki, müəllifdən müqəddimə mütləq yerini almalıdır, çünki oxuyacağınız fərqli bir əhəmiyyəti olan bədii əsərdir. İthaf olsa da, bu, mənim, yəni müəllifin yaradıcı təxəyyülünün məhsuludur. Bəzi faktlar da var əlbəttə, amma mən tanıdığım insanlardan prototip olaraq bəhrələnərək, yaratdığım süjet xəttini bildiyim faktlarla zənginləşdirərək, onu daha da həyatiləşdirməyə, reallığa yaxınlaşdırmağa səy göstərmişəm. Alınıb-alınmadığına siz qərar verəcəksiniz. Təsəvvür edin ki, qaranlıq zalda popkorn yeyərək bədii film seyr edirsiniz. (Popkorn yeni dəbdir. Bizim vaxtımızda açıq havadakı kinoteatrlarda qarğıdalı partlağı yerinə çox vaxt tum çırtlayardıq.) İzlədikdən sonra isə təəssüratlarıızdan məni bu və ya başqa yolla agah edin. Zəmanəmizdə təyinatı bunun üçün uyğun olan o qədər sosial şəbəkə var ki.
Beləliklə, kino başladı!
Facebookdan gələn rəylər
Rəylər
Mehriban Əliyeva Jurnalist
"Bir ümiddir yaşamaq" adlı kitabın müəllifi olan əziz dostum Rahim???????? səni bir daha təbrik etməzdən əvvəl qeyd etmək istəyirəm ki, bu əsər məni "aldı apardı", oxuduğum hər bölümdə özümü dərk edəndən bu yana yaşadığım bütün siyasi, tarixi hadisələrlə yanaşı həyat mücadiləmi, günahlarımı savablarımı xatırlatdı.. Gənç nəsildən ( istər yerli istər əcnəbi) fərqli olaraq bizim üçün bu kitab bir başqadır.. keçmişə, öz keçmişimizə qayidış, səyahətdir bir növ.. Sən artıq uğura meydan oxuyursan Rahim;)) bilirsən niyə? Çünki yeni dövrün qəhrəmanını tarixə sən yazdın; ) Qəhrəmandan ilhamlanaraq bu işə davam əziz dost ???? Hə, bu arada kitabın üzərində kinopovest yazılıb, Yəni bu o deməkdir ki, tezliklə Qəhrəmanımızı ekranlarda da görə bilecəyik, elədirmi Rahim? Mehriban Əliyeva jurnalist
İdris Heydərli
Oxuma və yazma var, bir də kino çıxdı. Oxumanı səslə,yazmanı gözlə şəkil edən biz kinoya "çıxarılan" kimi feil bağladıq.Kino dilimizin kəlməsi deyildi,aldıq, Çıxarmağı ona niyə bağladıq bəs? Oyunu çıxarmaqla əlaqələndirən dilin metafizikasında fotoqrafçının "quş çıxacağ" hərəkətini xatırlayırıq.Kinoçıxaranlar əslində o quş kimi bir şeyi bir yerdən çıxaranlar oldular. Rəhimlə dostuq,tələbə yoldaşıyıq.Rəhim tələbəlik illərindən kinoçıxarmanın sevdalısıdır.Stokholmda yaşayır, Görüşdük,danışdıq,güldük,sevindik,kədərləndik,Və "Bir ümiddir yaşamaq"kitabını imzaladı,Yazdım,Oxu dedi. "Kriminal,kinopovest" "Bir ümiddir yaşamaq" Frensis Fukuyama oxuyurdum bu günlər,"İdentiklik(Kimlikləşmə)təsdiqə cəhd və naxoş siyasət"kitabını.Platondakı Sokratın dili ilə ədalət axtaran Amerikalı yapon Timosu mərkəzə yetləşdirib ruhun üçüncü hissəsinin naxoşluğunu anladır.Timos Qəzəbin,özünütəsdiqin Aristotelçı "heyvanın"hekayəsidir,"yığma komanda olan insanın"oxunması və yazılmasıdır.Cövhər olan İnsan deyil,yığma hekayəsinin son kimlikləşməsinə cəhiddir,"Bu odur"u təsdiqləməyə bağlamaqdır. Rəhim dostum mənə Fukuyamanın danışdığı nəzəriyyənin iflas hekayəsini oxutdu.Mübariz Məsimov kimi bir sovet uşağının dünya hekayəsinə dönən Ömürünü nəql etdi.Rəhimin nəql etdiyi hekayə bu günə qədər paramparça ömürlərə dönmüş bir nəslin antiqəhramanının hekayəsidir.Bir ömür bir cövhərdir,bu covhəri qoruyanlar var,satanlar var,alanlar var.Rəhimin Qəhrəman Qurbanovu Fukuyamaların Hegellərinə üsyandır, Yox demekdir, İnsan var, İnsan əsli ilə cövhərdir,saxtası isə "sərmayədir",mənfəətdir","alətdir". Saxta insanın,sofistin qarşısında Sokrat çıxdı,Ədaləti qorudu, Rəhim,dostum,Sokratı sən xatırlatdın,Mimesisdən,təqliddən yazmışdı redaktorun. Sən isə mən sizə kino çıxaracam,deyə başlamısan. Və Kinon,nə kinopovestdir,nə dedektivdir,yazmısan, Sənin kinon bir hekayətin nəqlidir, Bu hekayət bir Ömrün hekayətidir. Amerikalı yaponun müəllimi Hegel hekayəti deyil,hekayəni tövsiyyə edərdi. Sən bir hekayə başladın,amma bu bir hekayət kimi tamamlandı. Mübarizin hekayəsi yeni bir dünya üçün illər sonra hekayət olacaq və bir ömrün varla yox arasında yaşadığlarını tanıdacaqdır. Hacı Zeynalabidinə "sən sahibkarsan" deyənlərə,yerinizi bilin,"mən sahibkar deyiləm,sərvət sahibiyəm.Bu sərvəti mənə əmanət edənin qoruyucusuyam" demişdi.Hegellərin qurduğu dünyaya girəndə biz Zeynalabdinlə,Fukuyamaların qurmaq istədiyi dünyada isə Mübarizlərlə dirilişimizi və diriliyimzi qoruduğumuzu anladıq. Rəhim,dostum,sən yazdın,Şahbaz çap etdi,mən də oxudum, Kino deyil,oyun deyil,həyatın içindən bir hekayət çıxartdın, Sağ ol qardaşım. Bu yeni düzəndə dirənişin,dirilişin,silib yenidən yazmanın hekayətidir, Varla yox arasında əmanətlərə cavabdeh olanların dərsidir. Hər kəs verəcəyi hesabına görə cavabdehdir, Sokrat məhkəməsində "ay axmaqlar,məni öldürməyin,öz əcəlimlə ölümümə az qalıb,ölüb gedəcəm və unudulacam,öldürsəniz isə tarix və zaman məni heç zaman unuda bilməyəcək". Sokrat bir Mübariz oldu,unudulmadı, Mübarizlər unudulmur,qardaşım, Ömür bir qədərdir, Hər kəs yaşadığları və yaşatdığları qədər deyil,hesabları qədərdir, Allah amanında. İdris Heydərli (sənətşünas))
Rəy yaz