Tələbələrin oxumalı olduğu 5 kitab

Bəzən bir kitab sizə imtahana hazırlaşmağın yolunu deyil, daha yaxşı düşünməyi, özünüzü inkişaf etdirməyi və dünyaya fərqli baxmağı öyrədə bilər.

Qanun.Az-da tapa biləcəyiniz bu 5 kitabı tələbəlik illərinin oxu siyahısına əlavə edin:

1. “1984”Corc Oruell

Tələbəlik dövründə yalnız məlumat toplamaq deyil, məlumatı sorğulamağı və analiz etməyi də öyrənmək vacibdir.

Corc Oruellin “1984” romanı manipulyasiya, təbliğat, nəzarət və azad düşüncə haqqında düşündürən distopik əsərdir. Romanda insanların düşüncələrinin belə nəzarət altında saxlanıldığı bir cəmiyyət təsvir olunur. Qanun.az

Tələbəyə nə qazandırır?
Tənqidi düşünmə bacarığı və eşitdiyimiz, oxuduğumuz məlumatlara daha şübhəçi yanaşmaq vərdişi.

2. “Atomik vərdişlər” Ceyms Klir

“Daha çox oxuyacağam”, “daha yaxşı hazırlaşacağam”, “vaxtımı düzgün böləcəyəm” tələbələrin ən çox verdiyi qərarlardandır. Amma əsas məsələ qərar vermək yox, onu vərdişə çevirməkdir.

Ceyms Klir kitabında böyük nəticələrin kiçik, lakin davamlı dəyişikliklərdən yarandığını izah edir və diqqəti yalnız məqsədə deyil, həmin məqsədə aparan gündəlik sistemə yönəldir. Qanun.az

Tələbəyə nə qazandırır?
Dərs çalışma, vaxtın idarə edilməsi və davamlı özünüinkişaf üçün praktik yanaşma.

3. “Dünyanı dəyişən 30 nitq”

Güclü fikir yalnız onu düşünməklə kifayətlənmir onu düzgün ifadə etmək də bacarıqdır.

“Dünyanı dəyişən nitqlər” müxtəlif tarixi dövrlərdə böyük təsir yaratmış nitqləri bir araya gətirir. Kitab həm azadlıq və demokratiya ideyalarını ifadə edən nitqlərə, həm də tarix üçün ibrətamiz olan təhlükəli siyasi çıxışlara nəzər salır. Qanun.az

Tələbəyə nə qazandırır?
Nitq mədəniyyəti, fikri ifadə etmək bacarığı və sözlərin cəmiyyətə təsir gücünü anlamaq.

4. “Qəzəb salxımları” Con Steynbek

Tələbəlik illərində dünyanı yalnız öz yaşadığımız mühitdən deyil, fərqli insanların həyatları və cəmiyyətin problemləri prizmasından görmək də vacibdir.

Con Steynbekin “Qəzəb salxımları” romanında Böyük Depressiya dövründə iqtisadi çətinliklər səbəbindən doğma yurdunu tərk edən Codu ailəsinin hekayəsindən bəhs olunur. Əsər sosial ədalətsizlik, yoxsulluq, ailə və insan mübarizəsi kimi mövzulara toxunur. Roman 1939-cu ildə nəşr olunub və “Bədii kitab” nominasiyasında Pulitser mükafatına layiq görülüb. Qanun.az

Tələbəyə nə qazandırır?
Empatiya, sosial düşüncə və tarixi hadisələri insan taleləri üzərindən anlamaq bacarığı.

5. “Ağ zanbaqlar ölkəsi” Qriqori Petrov

Təhsil və cəmiyyətin inkişafı haqqında düşünmək istəyən tələbələr üçün bu kitab xüsusilə maraqlı seçimdir.

Əsər təhsilin, maariflənmənin və fərdin cəmiyyətin inkişafındakı rolunu ön plana çıxaran ideyaları ilə tanınır. Tələbəlik dövründə oxunması kitabı yalnız şəxsi inkişaf baxımından deyil, “Mən cəmiyyətə nə verə bilərəm?” sualı baxımından da maraqlı edir.

Qanun.Az-ın hazırkı kitab siyahısında “Ağ zanbaqlar ölkəsi” də yer alır. Qanun.az

Tələbəyə nə qazandırır?
Maarifçilik düşüncəsi, məsuliyyət hissi və təhsilin fərd və cəmiyyət üçün əhəmiyyətinə fərqli baxış.