Avqustun ən çox gözlənilən yeni kitabları

Avqustun Ən Çox Gözlənilən Yeni Kitabları

Yay istisi kitab oxumaq üçün ən gözəl bəhanədir. Qanun Nəşriyyatı olaraq bu avqust ayını  fərqli, güclü əsərlərlə qarşılayırıq  uşaq nağılından tutmuş dünya ədəbiyyatının klassikinə, təhsil fəlsəfəsindən gənclərə ünvanlanmış səmimi məktublara qədər. Gəlin, rəflərimizə yeni qonaq olacaq kitablarla daha yaxından tanış olaq.Bunlardan bəziləri yeni, bəziləri isə təkrar nəşrlərdir. Budur Avqust ayının əvvəli üçün gözlənilən kitablar

Violetta və Yuxular Aləmi-Əzizə Babayeva

Bu nağıl bir ana ilə qızının yatmazdan əvvəlki səmimi söhbətindən doğulub. Müəllif Əziz, qorxuların öhdəsindən gəlmək mümkün olduğunu, qorxulu yuxuların əbədi olmadığını və hər uşağın içində düşündüyündən qat-qat çox cəsarət yaşadığını

hiss etdirmək istəyib. Zamanla bu axşam söhbəti "Violetta və yuxular aləmi" nağılına çevrilib. Kimlər üçün uyğundur? Yatmazdan əvvəl valideynləri ilə birgə kitab oxumağı sevən, gecə qorxuları ilə mübarizə aparan kiçik oxucular və

övladlarına dəstək olmaq istəyən valideynlər üçün ideal seçimdir

Rəqəmsal Dünyanın Yeni Təhsili-Almaz Əsəgrova

"Düşünməyiöyrənən insan, ömrü boyu öyrənməyə davam edəcək" Con Düyinin bu sözlərikitabın ruhunu tam əks etdirir. Əsər uşaqların bilik aclığının hüdudsuzolduğunu və bu aclığı səthi əyləncələr yerinə mənalı məzmunla qidalandırmağın böyük məsuliyyət olduğunu vurğulayır. Qlenn Domanın fikirləri əsasında ormalaşan kitab rəqəmsal çağda təhsilə yeni bir baxış təqdim edir.

Kimlər üçün uyğundur? Valideynlər, müəllimlər və uşaqinkişafı ilə maraqlanan hər kəs üçün dəyərli bir bələdçidir.

 Qiraətçi-Bernhard Şlink

Professorailəsindən olan yeniyetmə oğlanla yaşlı qadın arasında gözlənilməz eşq macərasıyaşanır. Qadının qəfil, xəbərsiz yoxa çıxması bu münasibəti yarıda qoyur.Səkkiz il sonra hüquq fakültəsinin sonuncu kursunda oxuyan oğlan onu yenidən görür  bu dəfə nasist cinayətkarlarınaqarşı keçirilən məhkəmə prosesində, sanki qadın konslagerin keçmiş nəzarətçilərindənbiri kimi... Çağdaş alman yazıçısı Bernhard Şlinkin dünya şöhrətli romanı sadəcə bir sevgi hekayəsi deyil  tarix, günah və vicdan üzərində dərin bir düşüncədir.

Kimlər üçün uyğundur? Psixoloji dərinliyi olan, tarixi kontekstdə əxlaqi suallar axtaran ciddi ədəbiyyat həvəskarları üçün mütləq oxunmalı əsərdir.

Qızlar Söz İstəyir-Nurəddin Babayev

Yazıçı Nurəddin Babayev gənclərin tərbiyəsinə həsr etdiyi "Oğluma məktublar" və "Qızlar, sözüm sizədir..." əsərlərində başladığı səmimi söhbəti bu yeni kitabında davam etdirir. "Qızlar söz istəyir", "Valideynlər, bizi dinləyin" və "Həyat yollarında" fəsillərində müəllif gənclərin əmək və estetik tərbiyəsindən, ənənələrə münasibətindən, dostluq və məhəbbətdən bəhs edir Kimlər üçün uyğundur? Gənclər, valideynlər və nəsillərarası ünsiyyətə önəm verən oxucular üçün faydalı bir mənbədir.

Frans Kafka Ölmək İstəmir-Laurent Seksik

"Öldür məni, yoxsa sən qatilsən!"  bu sözlər Frans Kafkanın dostu, tibb tələbəsi Robert Klopştokdan əlavə morfin dozası istəyərkən söylədiyi son cümlələr olub. Yatağının başında həyat yoldaşı Dora Diaman dayanıb, əziz bacısı Ottla isə Praqada ondan xəbər gözləyir. Roman məhz bu üç yaxın insanın  Robertin, Doranın və Ottlanın gözü ilə Kafkanın son günlərini və onun izlərinin hər birinin taleyində necə silinməz qaldığını izləyir.

Kimlər üçün uyğundur? Kafkanın yaradıcılığına və şəxsiyyətinə maraq göstərən, biblioqrafik romanları sevən ədəbiyyat həvəskarları üçün.

Nikkinin Gündəliyi 1-Reyçel Rane Ressel

Nikki ilk gündəliyində həyatının bütün detallarını səmimiyyətlə qələmə alır: iPhone almaq üçün anası ilə bağladığı razılaşma, ən yaxın dostları Kloe və Zoeylə görüşləri, yaraşıqlı Brendona olan rəğbəti, kiçik bacısı Briannanın gülməli hərəkətləri və rəsm yarışında rəqibi olan paxıl Makkenzi ilə toqquşmaları.

Kimlər üçün uyğundur? Gündəlik həyatın gülməli və isti anlarını sevən, gündəlik formatında yazılmış hekayələrə maraq göstərən kiçik və orta yaşlı oxucular üçün.

Nina və İşıq Otağı-Muni Vitçer

Ksoraks planetinin harmoniyasını qoruyan Qızıl Sayı məhv etmək istəyən Şər qüvvələr yenidən hərəkətə keçir. Nina De Nobili və dostları işıqlı gələcək uğrunda mübarizəni davam etdirir. "Nina və Qızıl Say" və "Nina və Absintiumun gücü" kitablarında artıq üç rəqəmi xilas edən gənc əlkimyagərin qarşısında indi ən çətin sınaq dayanır  sonuncu, 8 rəqəmini tapmaq. Bu dəfə təkcə öz gələcəyi deyil, dostlarının, ailəsinin və bütün Kainatın taleyi onun əlindədir.

Kimlər üçün uyğundur? Fantastik macəra seriyalarını sevən, cəsarət və dostluq mövzularının önə çıxdığı hekayələrlə maraqlanan yeniyetmə oxucular üçün.

 Dönüş -Cəfər Cabbarlı

Əsərdə insanın həyatında baş verən dəyişikliklər və mənəvi dönüş təsvir olunur. Qəhrəman keçmiş səhvlərini dərk etməyə başlayır, hadisələr onun vicdan və düşüncə mübarizəsini əks etdirir. Müəllif mənəvi yenilənmə ideyasını ön plana çəkərək doğru yolu tapmağın vacibliyini vurğulayır.

Kimlər üçün uyğundur? Azərbaycan klassik ədəbiyyatını sevən, qısa həcmli, dərin mənalı əsərlərə üstünlük verən oxucular üçün.

 Aktrisa  İlqar Fəhmi

Hər şey qaranlıq pəncərədə közərən siqaretdən başlayır. Bu oyun bir nəfər üçün nəzərdə tutulub, lakin həmin bir nəfər sadəcə passiv tamaşaçı olmaq istəmir. Nəticədə hadisələr dəhşətli bir faciə ilə sona çatır.

Kimlər üçün uyğundur? Gərgin, psixoloji dərinliyi olan, gözlənilməz sonluqlu müasir Azərbaycan nəsrini sevən oxucular üçün.

Bizi Dayandırmaq Olmaz - Yuval Noah Harari

Yuval Noa Hararidən uşaqlar və yeniyetmələr üçün böyük bir tarix səyahəti. Min illər əvvəl adi, zəif və müdafiəsiz canlılar kimi yaşayan insanlar necə oldu ki, bu gün planetin ən güclü varlığına çevrildi? Dünyaca məşhur tarixçi bu sualın cavabını sadə, əyləncəli və illüstrasiyalarla zəngin dildə izah edir. Daş dövründən başlayaraq insanların necə düşünməyə, danışmağa, inanmağa və əməkdaşlıq etməyə başladığını izləyəcəksiniz.

Kimlər üçün uyğundur? Tarixə və insanlığın inkişafına maraq göstərən uşaqlar, yeniyetmələr və onlara birgə oxumaq istəyən valideynlər üçün.

 Kəsişən Yollar - Anar Qocayev

Həyatın müxtəlif yollarında addımlayan insanların taleyinin gözlənilmədən kəsişməsindən bəhs edən əsər. Fərqli arzular və keçmişlərlə yaşayan qəhrəmanlar bir nöqtədə qarşılaşaraq həyatlarını dəyişən qərarlar verməli olurlar. Dostluq, sevgi, xəyanət və öz yolunu tapmaq uğrunda gedən daxili mübarizə əsərin əsas xəttini təşkil edir.

Kimlər üçün uyğundur? Çoxxətli süjetləri, insan talelərinin toqquşduğu hekayələri sevən müasir nəsr oxucuları üçün.

İliada  Homer

Əfsanəvi yunan şairi Homerin bu əsəri insan zəkasının yaratdığı ən qədim və möhtəşəm sənət nümunələrindən biridir. Troya müharibəsini mövzu edən "İliada" təkcə yunanların deyil, bütün bəşəriyyətin malı hesab olunur. Əsər qəhrəmanlarının ölümlə üz-üzə olsalar belə azadlıq və ləyaqət uğrunda mərdliklə mübarizə aparmasını əks etdirir və dünya poeziyasında əbədi qəhrəmanlıq dastanı kimi tanınır.

Kimlər üçünuyğundur? Antik dünya ədəbiyyatı, mifologiya və klassik epik poeziya ilə maraqlanan oxucular üçün.

 Məktubdakı Qadın  Mürşüd Mehdi

Toy ərəfəsində olan Nərminlə nişanlısı Fərhadın qəfil ayrılığı silsilə qətllərlə müşayiət olunur. Əvvəlcə Fərhadın qəza nəticəsində öldüyü xəbər verilir, ardınca Nərminin anası, sonra bir qadın, daha sonra tanınmış bir həkim öldürülür. Qatil hər dəfə qurbanın ovcunda Nərminə ünvanlanmış sevgi məktubu qoyur. Cinayət-axtarış şöbəsinin rəisi İmran bəy  bütün maneələrə baxmayaraq Nərminlə birlikdə bu müəmmanı açmaq üçün mübarizəyə başlayır və heç kimin gözləmədiyi bir sürprizlə nəticələnən sona doğru irəliləyir.

Kimlər üçün uyğundur? Detektiv süjeti sevgi xətti ilə üzvi şəkildə birləşdirən, gərgin və sürprizli finalları olan romanları sevən oxucular üçün.

 Həyat Bədbin Olmaq Üçün Çox Qısadır -Konfutsi

Konfutsinin aforizmləri əxlaq və dürüstlükdən doğur, keçmişin dərinliklərindən müdriklik çıxarır. Pozitiv duyğular aşılayan, yaşamaq enerjisini artıran bu hikmətli sözlər insanı ali dəyərlərin varlığına inandırır. Kitabı günün istənilən anında açıb bir cümləyə göz atmaq belə kifayətdir ki, içinizdə bir işıq parlasın.

Kimlər üçün uyğundur? Gündəlik həyatda ilham və müdriklik axtaran, qısa oxunuşlu fəlsəfi əsərlərə üstünlük verən hər kəs üçün.

Yaxşıdan Mükəmmələ Doğru-  Jim Collins

Mükəmməl kompaniyaya necə sahib olmaq olar? Cim Kollinzin altıillik tədqiqatının nəticəsi olan bu kitab məhz bu suala cavab axtarır. Müəllif komandası ilə birlikdə mükəmməl kompaniyaları uğursuz olanlarla müqayisə edərək uğurun ortaq açarlarını  intizamlı insanlar, intizamlı düşüncə, intizamlı hərəkət və "dişli çarx" effektini -aşkarlayıb.

Kimlər üçün uyğundur? Kompaniya rəhbərləri, biznes məsləhətçiləri, menecment tələbələri və biznes sahəsində çalışan hər kəs üçün əvəzsiz mənbədir.

 Siyahınızı indidən hazırlayın!

Avqust ayı bu əsərlərlə kitabxananızı zənginləşdirmək üçün mükəmməl fürsətdir. İstər uşağınızla yatmazdan əvvəl paylaşacağınız isti bir an, istər dünya ədəbiyyatının ölməz bir romanı, istərsə də gənclərə töhfə veriləcək müdrik sözlər  hər kəs üçün bir seçim var.

Sevdiklərinizlə paylaşmaq, özünüzə hədiyyə etmək və ya sadəcə yeni bir dünyaya qapı açmaq üçün siyahınızı indidən hazırlayın!