Kəpənəyin göz yaşı - Aysel Kərim

Gənc şair Aysel Kərim ilə tanışlığımız on ildən artıq bir zamanı əhatə edir. Aysel Kərim Ya­zı­çılar Birliyinə hər gələndə onun təvazökar, sakit xarakterli bir insan olduğunu fərq edirdim. Öncələr mərhum şair, AYB-nin keçmiş mətbuat katibi Ədalət Əsgəroğlu ilə mütəmadi görüşərək, yaradıcılıq müzakirələri edirdilər. Ayseli elə onun vasitəsilə daha yaxından tanıdım. Sonralar şeirlərini oxudum. AYB-nin gənclər üzrə katibi kimi Ayselin yaradıcılığına diqqətim daha da artdı. Onu 2008-2010-cu illərdə fəaliyyət göstərən birinci “Gənc Ədiblər Məktəbi”nə dəvət etdim. Məktəbin fəaliyyəti boyunca keçirilən bütün ədəbi görüşlərin, tədbirlərin iştirakçısı oldu. Eyni zamanda AYB-nin tədbirlərində də çox fəal iştirak edirdi.