Rusiya Federasiyasının Samara şəhərində yaşayan həmyerlimiz, ilhamlı söz adamı Xəlil Şahvələdin poetik dünyası oxuculara “Qatarından qalan durna” (2008), “Yurd yeri” (2009) və “Qayadan cızan bulaq” (2013), “Bu keçən ömür” (2021) topluları ilə tanışdır. Doğulub-böyüdüyü elə-obaya bağlılıq, mənsub olduğu xalqın qədim, minillərin o üzündən gələn adət-ənənələrinə hörmət, insanlara sevgi onun şeirlərinin mayasını təşkil edir. Müəllifin son illərdə qələmə aldığı şeirlərindən ibarət yeni kitabının da oxucuların qəlbinə yol tapacağına inanırıq.