Azərbaycanın görkəmli dövlət və ictimai xadimi, böyük yazıçısı Mirzə İbrahimovun, əsasən, həyat yoldaşı Sara xanıma ünvanladığı sevgi məktubları toplanıb. Oxucu böyük ədibi bu yazışmalarla fərqli rakursdan tanıyacaq: saf sevgi, qarşılıqlı dərin məhəbbət, adi insani hisslərin qeyri-adi lirik təsviri... Həmçinin bəzi məktublarda dövrün ədəbi və tarixi şəxsiyyətlərinə münasibəti o dövrün gərginlikləri ilə əlaqədardır. Dünya əbədi fikir tarixində bu janr geniş yayılıb. Qədim yunan ədəbiyyatından ta bu günə kimi bir çox dahilər öz sevdiklərinə məhz bu formada müraciət etmişlər və bu kitablar geniş oxucu marağına səbəb olub.