20 Yanvar metrosuna PULSUZ çatdırılma

Hər gün yeni bir kitab

QANUN NƏŞRLƏR EVİ

3 October 2023 671

Kişilərin oxumaq istəyəcəyi 5 KİTAB

Qanun Nəşriyyatı

      “Kişilərin kitabı” – Osho


Bu kitabda böyük hind filosofu, ruhlandırıcı və aydın, dünyanın bütün ölkələrində mühazirələri əsasında kitabları yayınlanan qüdrətli fikir adamı Oshonun (Bxaqvan Şri Racniş) müxtəlif zamanlarda ‘İnsanın qurtuluşu’ mövzusunda olan çıxışlarından toplanmış zəngin materiallar sistemli şəkildə oxucuya təqdim olunur. Sözsüz ki, Oshonun saysız-hesabsız fikirlərini bir kitab şəklinə salmaq mümkün deyil. Kitabda mühazirələrin müəyyən hissəsi yer alıb, mövzunu tam izah etmək üçün bəzi prototiplər təqdim olunub: Adəm, robot, diqqət dəlisi, məşuq, siyasətçi, oyunçu, yaradıcı-qurucu və s. Bu prototiplər konkret xarakter, tip, şəxsiyyət kimi qəbul olunmalı deyil. Bunlar, sadəcə, hər birimizə aid ola biləcək bəzi tendensiyaların, düşüncə və davranışların, həyat tərzinin təsviri üçün seçilən köməkçi vasitələrdi. Osho reallığın əslində bütün teoriya və qərarların arxasında qaldığına işarə edir. Reallıqda hər şeyin başqa cür olduğunu izah etməyə çalışır. Bu personajlardan ona görə istifadə edir ki, ilk növbədə insan öz ağlının quruluşunu müəyyən edə bilsin. Daha sonra ağıldan və yaşantılardan kənara çıxıb reallığa ayıq gözlə baxsın, öz gerçək kimliyini görsün.

“Hər bir kişinin qadınlar haqqında bilməli olduğu vacib sirlər” – Barbara De Angelis

Partnyorunuzla müxtəlif dillərdə danışdığınız heç ağlınıza gəlibmi – axı o heç vaxt sizin ona sübut etmək istədiyinizi anlamayıb? Barbara de Anjelis – dünya şöhrətli psixoloq, şəxsiyyətlərarası münasibətlər üzrə ekspertdir. Onun kitablarını oxuyan hər qadın özünü daha yaxşı dərk etməyi, kişilər isə partnyorunun məhəbbətə, seksə, ünsiyyət və yaxınlığa olan münasibətini anlaya biləcəkdir. Siz təkcə özünüzü dərk etməyəcəksiniz, həm də həmişə xəyalı ilə yaşadığınız sevimli adamla münasibətlərinizi yüksək səviyyədə quracaqsınız.

“Emosional Zəka” – Daniel Goleman

Amerikalı psixoloq, emosional zəka sahəsində məşhur ekspert olan Daniel Goleman, ailə və iş həyatında uğur qazanmağımızda hisslərimizin mühüm rol oynadığını hesab edir. Bəs, “emosional zəka” nədir? Onu ölçmək olarmı? “Adi” zəka “emosional” zəkadan nə ilə fərqlənir? Keşməkeşli həyat yollarında “adi” zəkalı insan “emosional” zəkaya sahib insandan nə üçün geri qalır? Kədərin, qəzəbin, depressiyanın, qorxunun, həyəcanın, stressin, utancaqlığın, bədbinliyin öhdəsindən necə gəlmək və uğur qazanmaq olar? Bu və digər mühüm suallara cavab tapmaq istəyirsinizsə, məşhur psixoloq, emosional zəka nəzəriyyəsinin banilərindən biri Daniel Golemanın qələmindən çıxmış bu kitabı oxuyun. Emosional zəka” kitabı yalnız tələbələr və müəllimlər üçün deyil, valideynlər üçün də faydalıdır.

“Zəngin olmaq elmi” - Uolles D.Uottls

Zənginləşməyi arzulamaqda yalnış heç nə yoxdur. Zənginlik arzusu əslində daha təmtəraqlı, daha dolğun və daha zəngin həyat istəyidir ki, bu da tərifəlayiqdir. Daha çox bolluq içərisində yaşamağı arzu etməmək və istədiyi hər şeyi almaq üçün kifayət qədər pul qazanmağı istəməmək anormallıqdır. İnsan yaxşı qidalanmadığı, rahat geyinmədiyi və isti sığınacağı olmadan, eləcə də həddindən çox işləməkdən azad olmadığı halda öz bədənində tam və dolğun, hərtərəfli şəkildə yaşaya bilməz. İstirahət və əyləncə də öz növbəsində fiziki həyat üçün mütləqdir. Kitablar olmadan və onları öyrənmək üçün lazımi vaxt sərf edilmədən, səyahət edərək müşahidə etmə imkanı olmadan, intellektual insanlarla əhatə olunmadıqca insan zehni cəhətdən dolğun yaşaya bilməz.

Zənginliyə Və Xoşbəxtliyə Çatmağın 7 Strategiyasi - Jim Rohn

Bu kitab xoşbəxtlik və zənginlik arzusunda olan və bunu necə əldə etməyin yollarını öyrənmək istəyənlər üçün yazılmışdır. Bu yolların çətin, lakin şərəfli olduğunu qeyd edən müəllif həmin arzulara çatmağın 7 strategiyasını göstərmişdir. Bu strategiyalar biri digərini tamamlamaqla anlaşılan ardıcıllıqla verilmişdir. Kitab geniş oxucu dairəsi üçün nəzərdə tutulmuşdur


Rəylər

Rəy yaz

comment

Oxşar məqalələr


Digər maraqlı məqalələr

Abunə Ol