Frida Kahlo: eşq və qəm - Rauda Jamis


Əsərdə iyirminci əsrin tanınmış simalarından olan inqilabçı və feminist Frida Kahlonun həyatı öz əksini tapmışdır. O, ruhunu qatdığı Meksika inqilabını öz doğum günü elan edəcək qədər fərqli, dünyaya gəlməyən oğluna ad qoyub təsəvvüründə onunla danışacaq qədər xəyalpərəst, əlil arabasına məhkum qaldığı halda belə sənətindən və həyatından imtina etməyən, daim mübarizə aparan bir qadın idi. Nəzərdən uzaq olan həyatında taleyi ilə barışmağı deyil, əfsanə olmağı seçən Frida ölümü də həyat kimi başında çiçəklər və həmişəki gözəlliyi ilə qarşılamışdır.
Şərhlər Facebook şərhləri

Şərhlər

Tam adı Maqdalena Karmen Frida Kahlo olan feminist rəssam 20ci əsrin ən tanınmış simalarından biridir. 6 iyul 1907ci ildə Meksikada dünyaya gələn inqilabçı ruhlu Frida öz doğum gününü Meksikada baş vermiş inqilab günü ilə əlaqədar olaraq 7 iyul 1910cu il kimi qələmə vermişdir. Fotoqraf olan atası Guillermo Kahlo Fridanın digər övladlarından fərqini görmüş, qabiliyyətlərini hələ kiçik yaşlarından hiss etmişdir. - Artıq yaşlarında həyatdan ilk zərbəni alır, Çapultepek parkında yıxılan Frida ayağını zədələyir və bir müddət yatağa məhkum olur. Bu qəzadan sonra yaralı ayağı həyatı boyu digərindən daha nazik və qısa qalır. Üzərindən illər keçdikdən sonra 1925ci ildə ilk sevgisi Alexandro ilə yol qəzası keçirən Frida ciddi zədələr alır və uzun müddət yatağa məhkum olur. Bu səbəblə çox darıxan qızcığaza anası Matilda fərqli çarə tapır ‘Fridanın çarpayısının tavanına güzgü yerləşdirmək’. Bu qeyri-adi fikir sayəsində 19 yaşlı Frida güzgü-tavandaki əksinə baxaraq öz rəsmlərini çəkməyə başlayır. Bu Fridanın həyatında gələcəyi üçün ən önəmli hadisələrdən biri olur.Bununla da rəssam Frida Kahlo yetişir. Həyatının irəliləyən illərində portretləri ilə dünya şöhrəti qazanan Fridanın qəza nəticəsində yaranan xəstəlikləri həyatı boyu onu rahat buraxmır. Hər iki hamiləliyi itki ilə nəticələnir və dəfələrlə onurğasındaki problemlərə görə əməliyyatlar keçirir, aylarla yatağa məhkum qalır.Özü kimi rəssam olan Dieqo Rivera ilə ailə quran Frida şəxsi həyatında da uğur qazana bilmir, dəfələrlə xəyanətlə üzləşən Fridaya ən böyük zərbə Dieqo ilə Fridanın kiçik bacısı Kristinanın xəyanəti olur. Hər şeyə rəğmən dik durmağa, sənəti ilə sevilib tanınmağa davam edir.Güclü qadın örnəklərindən biri olan Kahlo özünəməxsus geyim tərzi ilə və saç düzümü ilə bu günə qədər diqqət mərkəzində olmağı bacarmışdır. Həyatının sonlarına doğru ağrıları artaraq yatağa məhkum olur, həkimlər ayağının kəsilməsində israr edir. ‘Yerimək üçün ayaqlar nəyimə gərəkdir ki.Uçmaq üçün qanadlarım var’ Rəssam Kahlo 47 yaşında həyata gözlərini yumur. - ‘Gecəniz xeyrə, günəş, ay, yer kürəsi, Dieqo və eşq! Buenas noces Frida’