KİÇİK ÖLKƏ - Laşa Buğadze

 “Kiçik ölkə” romanı, demək olar ki, həm bioqrafik, həm də bədii-sənədli romandır. Əsərin baş qəhrəmanı müəllifin özüdür. Romanda yeni sözün, yeni mövqenin cəmiyyətdə necə çətinliklə yer almasından söhbət açılır. Romanın baş qəhrəmanı gürcü cəmiyyətində əsrlər boyu tətbiq olunan, idrakın təmayülünü müəyyənləşdirən milli-mədəni ən-ənədən çıxır və mühafizəkar qüvvələrin ciddi müqavimətinə məruz qalır... Nəticədə o, yenilik uğrunda apardığı mübarizənin də əbəs olduğunun fərqinə varır, yaşadığı zaman və məkan arzu olunan gerçəkliyin ölçülərinə uyğun gəlmədiyindən hər şey parodiyaya çevrilir... 

---

Laşa Buğadze gürcü ədəbiyyatına ötən əsrin doxsanıncı illərində gələn, müasir dövr oxucusunda daim maraq oyadan müəlliflərdəndir. O, əvvəlcə Nikoladze adına kollecdə, sonra teatr institutunda, daha sonra isə Tbilisi Dövlət Universitetində təhsil alıb. Laşanın pyesləri həm Gürcüstanda, həm də onun hüdudlarından kənarda uğurla səhnələşdirilir. Maraqlı pyeslərdən əlavə, o, bir çox hekayə və beş romanın müəllifidir. Həmin əsərlərə görə yazar müxtəlif ədəbi mükafatlara layiq görülüb.