İnzibati məhkəmə icraatının hüquqi tənzimlənməsi problemləri

Həsənova Nərmin

Kateqoriya

Yeni ● Hüquq

ISBN

978-9952-8581-5-0

Ölçü

60x84

Cild

Yumşaq

Səhifə sayı

340

Baxış sayı

Kitab haqqında

Monoqrafiya müasir hüquqi dövlətin əsas institutlarından biri olan inzibati məhkəmə icraatının hüquqi tənzimlənməsi məsələlərinin elmi-nəzəri və praktiki aspektlərini əhatəli şəkildə araşdırır. Əsərdə inzibati məhkəmə icraatının anlayışı, hüquqi mahiyyəti, normativ əsasları və insan hüquqlarının müdafiəsindəki rolu sistemli şəkildə təhlil olunur. Müəllif milli qanunvericiliklə yanaşı, Böyük Britaniya, Almaniya, Fransa və ABŞ kimi aparıcı ölkələrin hüquq sistemlərini müqayisəli təhlilə cəlb edərək, müxtəlif inzibati məhkəmə modellərinin struktur xüsusiyyətlərini və tətbiq praktikasını araşdırır. Monoqrafiyada inzibati mübahisələrin predmeti, icraatın mərhələləri, məhkəmə müstəqilliyinin təminatı, inzibati orqanlarla məhkəmələr arasında hüquqi balans və effektiv nəzarət mexanizmləri kimi aktual məsələlər elmi əsaslarla şərh edilir.

Əsərdə həmçinin inzibati məhkəmə icraatının hüquqi tənzimlənməsi sahəsində mövcud problemlər, o cümlədən normativ qeyri-kamilik, institusional boşluqlar, hüquqi islahatların zəruriliyi və beynəlxalq təcrübənin tətbiqi imkanları geniş şəkildə təhlil olunmuşdur. Monoqrafiyada müəllifin irəli sürdüyü təkmilləşdirmə təklifləri və institusional təşəbbüsləri praktiki və elmi baxımdan mühüm əhəmiyyət kəsb edir.

Monoqrafiya inzibati hüquq, məhkəmə hüququ, dövlət idarəçiliyi, konstitusiya nəzarəti və hüquqi islahatlar sahəsində çalışan alimlər, hakimlər, vəkillər, inzibati orqan əməkdaşları, hüquq üzrə magistr və doktorantlar üçün nəzərdə tutulmuşdur.