Dərs vəsaiti müasir hüquq sistemlərində inzibati hüququn əsas doktrinaları,
tətbiq mexanizmləri və məhkəmə nəzarəti formalarının müqayisəli hüquq kontekstində təhlilinə həsr olunmuşdur. Əsərdə xüsusilə Böyük Britaniya, ABŞ, Almaniya və digər qabaqcıl hüquq sistemlərində inzibati hüququn formalaşması, inkişaf mərhələləri, normativ bazası və tətbiq praktikasına dair kompleks və sistemli yanaşma ortaya qoyulmuşdur. Müəllif inzibati hüququn fundamental anlayışlarını, hüquqi normativ aktların icrası ilə bağlı məhdudiyyətləri, inzibati orqanların fəaliyyətinə məhkəmə nəzarətinin formalarını və tətbiq olunan hüquqi mexanizmləri nəzəri və praktiki aspektdə araşdırır.
Dərs vəsaitində həmçinin həvalə edilmiş qanunvericilik, inzibati mülahizə
hüququ, ədalətli inzibati icraat prinsipləri, hüquqi gözləntilər doktrinası və "estoppel" qaydaları kimi institutlara toxunularaq onların müxtəlif hüquq sistemlərində tətbiqi müqayisəli analiz edilmişdir. İlk dəfə olaraq, Azərbaycan oxucusuna xarici hüquq sistemlərində tətbiq olunan inzibati nəzarət formaları, ictimai və parlament nəzarət institutları, eləcə də ombudsman və xüsusi nəzarət orqanlarının rolu geniş elmi əsaslarla təqdim olunur. Vəsait inzibati hüquq, dövlət idarəçiliyi və müqayisəli hüquq sahəsində çalışan alimlər, tədqiqatçılar, hakimlər, hüquqşünaslar, inzibati orqan əməkdaşları, ali məktəb müəllimləri və hüquq ixtisası üzrə təhsil alan tələbələr üçün nəzərdə tutulmuşdur
Facebookdan gələn rəylər
Rəylər
Rəy yaz