Narkotik işlərində vəkillik

"Narkotik İşlərində Vəkillik" metodik vəsaiti Azərbaycanın cinayət mühakimə sistemində ədalətli mühakimə və insan hüquqlarının qorunmasını təhlil edir. 2023-2024-cü illərdə Ali Məhkəmənin bəraət qərarlarına əsaslanaraq, sübutların qanuniliyi, prosessual hüquqlar və əməliyyat-axtarış tədbirlərinin qanunauyğunluğu şərh olunur. Narkotik dövriyyəsi ilə bağlı işlərdəki sistemli pozuntular (polis təhriki, qanunsuz saxlamalar, sübutların qanunsuz əldə edilməsi) və onların bəraət qərarlarına təsiri vurğulanır. Vəsait vəkillərə sübutların yoxlanılması, pozuntuların aşkarlanması və müdafiə strategiyaları üçün praktik tövsiyələr təklif edir. Azərbaycan Cinayət-Prosessual Məcəlləsi, AİHM presedentləri və beynəlxalq hüquq normalarına istinad edilir. Təqsirsizlik prezumpsiyası, sübut-ların qanuni əldə edilməsi və hüquq-mühafizə orqanlarında islahatların zəruriliyi vurğulanır. Vəsait hüquq təhqiqatçıları və vəkilləri ədalətli mühakimə prinsiplərinə riayət etməyə təşviq edir, Azərbaycan hüquq sistemində ədalətli qərarlara töhfə verməyi hədəfləyir.