Birinci hissə. 1940-cı il Vətən müharibəsi başlamışdır. Mən hələ balaca idim. 3-4 yaşında olardım. Atamı harasa gəlib evdən apardılar. Atam məni qucağına götürüb həyatdan bir qədər apardı. Cibindən çıxarıb mənə əl dəsmalı verdi. Böyük qardaşım məndən alıb dəsmalı onun özünə qaytardı. Anam ağlayırdı. Mən başa düşmürdüm atam hara gedir nə baş verəcək. Bu ünvanla sən demə atamı müharibəyə aparırlarmış. Bizim kənd iki dağ arasında yerləşdiyindən mütləq dağın birini aşmalı olursan. Atamgil həmin dağı aşanda görürlər kəndin mal sürüsünə canavarlar hücum edirlər. Onlar üç nəfər olduğundan malın içindən canavarları çıxarıb qovurlar. İbrahim adında bir invalid kişi var idi. Onun danasını yıxıb parçalayıb yemişlər. Onlar çağırıb kəndə xəbər vermişdilər. Kəndin adamları hamısı həmin hadisə olan yerə gedib öz gözləri ilə həmin hadisənin şahidi olmuşlar. Mən bir daha atamın üzünü görmədim.