Üç gonbul

Yuri Oleşa bu əsəri yazmağa başlayanda hələ Sovet hakimiyyətinin üç yaşı vardı. İnqilabi hadisələr, xalqın qələbəsi, məğlub olmuş sinfin simasızlığı yazıçının gözləri qarşısında baş vermişdi. Bu hadisələr hələ o qədər “isti”ydi ki, hətta tam uydurmanın məhsulu “Üç Gonbul”da öz əksini tapmalı idi. Olmuş və fantastik əhvalatlar əsərdə harmonik şəkildə birləşmişdir. Xalqın üç gonbulla mübarizəsi şübhəsiz alleqoriyadır və yəqin ki, romanın ən balaca oxucuları da başa düşür ki, bu gözəl əsərin əsas ideyası inqilabi mübarizələrlə bağlıdır.