Barak Obamanın 40 sevimli kitabından biri -

Toni Morrison SOLOMON NƏĞMƏSİ Barak Obamanın 40 sevimli kitabı arasında yer alır.

The Dead Milkmen (MEYİT SÜDƏMƏR) qrupu məhz bu kitabın qəhrəmanı şərəfinə adlandırılıb.

Toni Morrison (əsl adı Chloe Ardella Wofford). İlk kitabı, MAVİ GÖZLÜ 39 yaşında nəşr edilib. SOLOMON NƏĞMƏSİ isə 1977-ci ildə işıq üzü görüb. Roman bir ailənin hekayəti üzərində qurulub. Nəvə Meykon Meyit öz nəslinin, kökünün axtarışına çıxır. Onlara verilən Meyit soyadının tarixini araşdırır. Bir zənci ailəsinin timsalında Amerikanın Böyük Depressiyadan sonrakı illərini anladır.

SOLOMON NƏĞMƏSİndə qadınlar kişilərdən daha fərqlidir. Əzabkeş, məğrur, qorxmaz, mübariz, kişilər isə yalnız öz "əşyalarının" hərisi, vecsiz və mənasız. Onun qadın qəhrəmanı uf demədən qəməni kişinin qabırğasına soxa bilir. Onun kişi qəhrəmanı nə qədər zəngin olsa da, qadının torbasını oğurlamağa məhkumdur, elə bilir ki, orda qızıl külçələr var. Məğrur qadının torbada saxladığı, ağların öldürdüyü, basdırmağa belə yer tapmadığı atasının sümükləridir. Amerikanı səfil kimi dolananda belə onlardan imtina etməmişdi.

Qaraların faciəsi, ağların üstün haqlarında deyil, həm də özlərinin zəifliyi, savadsızlığı, biganəliyi, heyvani hisslərin daha üstün keyfiyyət hesab edilməsindədir.

Toni Morrison postmodern feminist, həm də ən əfsanəvi Afrika-Amerikan qaradərili yazıçı hesab edilir.

Onun sevimli müəllifləri isə Lev Tolstoy və Jane Austen olub.

"Solomon nəğməsi" onun 3-cü əsəridir, az qala ədəbiyyat üzrə bütün mükafatları qazandı.

1963-cü ildə Nobel alan ilk zənci qadın oldu.

2012-ci ildə Barak Obama onun boynundan AMERİKANIN AZADLIQ MEDALINI asdı. Bu Amerikanın ən böyük mükafatıdır.

Bu kitab həqiqətən də nəğmə kimi oxunur.

2019-cu ildə Toni Morrison dünyasını dəyişdi.

Oprah Winfrey: "o bizim vicdanımız idi. Görən gözümüz idi. Danışan həqiqətimiz idi".

https://www.qanun.az/solomon-negmesi-toni-morrison-1182