Bakıda Milli Kitab Sərgisinin açılışı olacaq. avanqard.net

14 December 2021 186

Bakıda 15-21 dekabrda Milli Kitab Sərgisi keçiriləcək

13.12.21

Bakıda yeni il Milli Kitab Sərgisi 15-21 dekabrda baş tutacaq.

Dekabrın 15-i saat 15:00-da Bakı İdman Sarayının (Əl Oyunları Sarayı) əsas zalında sərginin təntənəli açılışı olacaq.

Milli kitab sərgisinin təşkilat qrupundan verilən xəbərə görə, açılış mərasimində tanınmış ədəbiyyat və mədəniyyət adamları, ictimai xadimlər, ziyalılar, naşirlər və media nümayəndələri iştirak edəcək.

Müstəqil nəşriyyatların və kitab mağazalarının qatılacağı sərgi-yarmarka bir həftə davam edəcək

Tədbirdə təqdimat mərasimləri, müxtəlif mövzulara həsr olunmuş panellər, film təqdimatları, şeir və musiqi gecələri, yazar, aktyor, müğənni, rep və stendapçılarla görüşlər, oxu saatı, motivasiya çıxışları təşkil olunacaq, uşaqlar üçün Şaxta Baba və Qar Qızın iştirakı ilə xüsusi əyləncəli proqramlar hazırlanacaq.

Milli Kitab Sərgisinin təşkilatçıları Azərbaycan Yazıçılar Birliyi və Mədəniyyət Nazirliyi yanında İctimai Şura, , “Əli və Nino” mağazalar şəbəkəsi və Qanun Nəşrlər Evidir.

Xatırladaq ki, I Milli Kitab Sərgisi bu ilin 1-10 oktyabr tarixlərində eyni ünvanda keçirilmiş, paytaxt sakinləri və şəhərimizin qonaqlarının böyük marağına səbəb olmuşdu.