Qanun Nəşriyyatı V Uşaq Kitab Festivalında iştirak edib

22 May 2026 23

Qanun Nəşriyyatı 13–17 may tarixlərində keçirilən V Uşaq Kitab Festivalında maraqlı kitabları, rəngarəng nəşrləri və balaca oxucular üçün hazırladığı xüsusi seçimlərlə iştirak edib.

Festival boyunca uşaqlar və valideynlər Qanun Nəşriyyatının stendinə böyük maraq göstəriblər. Tədbir çərçivəsində uşaqlar müxtəlif janrlarda kitablarla tanış olub, sevdikləri əsərləri əldə edib və kitab dünyasının rəngarəng atmosferini yaxından hiss ediblər.

Xüsusilə uşaq ədəbiyyatı, maarifləndirici nəşrlər və dünya klassikalarının uşaqlar üçün uyğunlaşdırılmış versiyaları iştirakçılar tərəfindən maraqla qarşılanıb. Festival həm uşaqlarda mütaliə vərdişinin inkişafı, həm də kitaba marağın artırılması baxımından yaddaqalan anlarla yadda qalıb.

Qanun Nəşriyyatı olaraq kitabsevər balacalarla bir araya gəlməkdən və onların sevincinə şahid olmaqdan böyük məmnunluq duyduq. Festivalda bizimlə olan hər kəsə təşəkkür edirik!