19 may tarixində Qanun Nəşriyyatında yazıçı Elman Gədiklinin “Hər şey şəkildi” kitabına həsr olunmuş ədəbi görüş və imza günü keçirilib

22 May 2026 27

Ədəbiyyatsevlərin iştirakı ilə baş tutan tədbir səmimi və maraqlı mühitdə yadda qalıb. Görüş zamanı müəllif kitabın yaranma ideyası, yazı prosesi və əsərdə toxunulan mövzular haqqında geniş məlumat verib. Elman Gədikli oxucularla həyat, insan münasibətləri və cəmiyyətə dair düşüncələrini bölüşərək maraqlı fikir mübadiləsi aparıb.

Tədbirdə iştirak edən oxucular müəllifə onları maraqlandıran sualları ünvanlayıb, kitab haqqında təəssüratlarını bölüşüblər. Görüş boyunca kitabın adı və məzmunu ətrafında müxtəlif müzakirələr aparılıb, müəllifin yaradıcılığı iştirakçılar tərəfindən böyük maraqla qarşılanıb.

Görüşün sonunda oxucular “Hər şey şəkildi” kitabını müəllifin imzası ilə əldə etmək imkanı qazanıblar. Xatirə şəkillərinin çəkildiyi tədbir iştirakçılar üçün yaddaqalan və xoş anlarla yadda qalıb.

Qanun Nəşriyyatı olaraq tədbirimizdə iştirak edən bütün oxuculara təşəkkür edirik.