“Uşaqlar Üçün Qeyri-Səlis Məntiq” kitabının təqdimatı keçirilib

27 January 2026 16

Bu gün Qanun Nəşriyyatında “Uşaqlar Üçün Qeyri-Səlis Məntiq” kitabının təqdimatı baş tutub.

Tədbirdə Azərbaycan Dillər Universitetinin rektoru Kamal Abdulla, texnika elmləri doktoru Rafiq Əliyev və Türkiyənin keçmiş təhsil naziri Ziya Səlcuq onlayn formatda iştirak ediblər. Canlı dialoq şəklində təşkil olunan görüşdə kitabın müasir dövr üçün əhəmiyyəti, qeyri-səlis məntiqin düşüncə tərzinə və təhsil sisteminə verdiyi töhfələr müzakirə olunub.

Oxucuların sualları cavablandırılıb, mövzunun Azərbaycan məktəblərində tədrisinin vacibliyi vurğulanıb və kitabın təhsil mühitində daha geniş tanıdılması tövsiyə edilib.

Təqdimatda həmçinin Qanun Nəşriyyatının rəhbəri, naşir Şahbaz Xuduoğlu və yazıçı İlqar Rəsul də iştirak edərək mövzu ətrafında fikirlərini bölüşüblər.

Elm, təhsil və düşüncəyə yeni baxış gətirən “Uşaqlar Üçün Qeyri-Səlis Məntiq” artıq oxucularla görüşə hazırdır.