“Kitab Söhbəti” rubrikası ilk qonağı Mürşüd Mehdi oldu

27 January 2026 17

19 dekabr tarixində Qanun Nəşriyyatının yeni layihəsi olan “Kitab Söhbəti” rubrikası çərçivəsində ilk görüş uğurla baş tutub. Oxucularla canlı ünsiyyət və ədəbiyyat ətrafında açıq müzakirə məqsədi daşıyan layihənin ilk qonağı yazıçı Mürşüd Mehdi olub.

Görüşü Qanun Nəşriyyatının baş redaktoru, yazıçı Şərif Ağayar aparıb. Tədbirin açılış hissəsində Qanun Nəşriyyatının naşiri Şahbaz Xuduoğlu da çıxış edərək qonaqları salamlayıb, “Kitab Söhbəti” layihəsinin yaranma ideyası, məqsədi və oxucu–yazıçı münasibətlərində oynadığı rol haqqında fikirlərini bölüşüb. O, bu tip görüşlərin müasir oxucu ilə ədəbiyyat arasında körpü yaratdığını vurğulayıb.

Görüş zamanı Mürşüd Mehdinin “Evdəki Yad” və “Məktubdakı Qadın” kitabları ətrafında səmimi, dərin və maraqlı müzakirələr aparılıb. Yazıçı əsərlərinin yaranma prosesi, mövzuların seçimi və personajların daxili dünyası barədə danışıb. Oxucular da müzakirələrdə fəal iştirak edərək kitablarla bağlı öz düşüncə və təəssüratlarını bölüşüblər.

Sual-cavab hissəsi xüsusilə maraqla qarşılanıb. Oxucular yazıçıya birbaşa suallar ünvanlayıb, əsərlərdə qaldırılan mövzular, simvolika və mesajlar ətrafında fikir mübadiləsi aparılıb. Bu hissə görüşə canlı və interaktiv ab-hava qatıb.

Tədbirin sonunda Mürşüd Mehdi oxucular üçün kitablarını imzalayaraq görüşü xoş və yaddaqalan xatirələrlə tamamlayıb.

Qeyd edək ki, Qanun Nəşriyyatının “Kitab Söhbəti” rubrikası çərçivəsində növbəti görüşlərin də keçirilməsi planlaşdırılır və layihə gələcəkdə müxtəlif yazıçıların iştirakı ilə davam etdiriləcə