İqtisadçı Məmməd Talıb Qanun Nəşriyyatını ziyarət etdi

9 July 2026 7

İqtisadçı Məmməd Talıb Qanun Nəşriyyatını ziyarət edərək nəşriyyatın kitab kolleksiyası ilə yaxından tanış olub və müxtəlif mövzularda bir neçə kitab seçərək əldə edib.

Söhbət zamanı Məmməd Talıb kitabın yalnız bilik mənbəyi olmadığını, eyni zamanda insanın dünyagörüşünü zənginləşdirən, fərqli baxış bucaqları formalaşdıran, qərarvermə bacarıqlarını inkişaf etdirən və davamlı öyrənmə vərdişi qazandıran ən dəyərli vasitələrdən biri olduğunu vurğulayıb.

O, xüsusilə gənclərə mütaliə vərdişini inkişaf etdirməyi tövsiyə edərək bildirib ki, şəxsi inkişaf, motivasiya, yumşaq bacarıqlar (soft skills), xarici dil bilikləri və ünsiyyət bacarıqlarına dair kitablar müasir dövrdə hər bir gəncin inkişafı üçün mühüm əhəmiyyət daşıyır. Onun sözlərinə görə, bu sahələrdə oxunan kitablar həm peşəkar, həm də şəxsi inkişaf yolunda mühüm rol oynayır.

Ziyarət çərçivəsində Məmməd Talıb seçdiyi kitabları da oxucularla bölüşərək Beynimdəki Qəribəlik, Stalinin Son Günləri və İran Neftin Kölgəsində əsərlərini əldə edib. O, bu kitabların həm tarixi hadisələri dərindən anlamaq, həm də insan və cəmiyyət münasibətlərinə fərqli baxış bucağı qazandırmaq baxımından dəyərli seçimlər olduğunu vurğulayaraq, müxtəlif mövzularda mütaliənin dünyagörüşünün formalaşmasında mühüm rol oynadığını qeyd edib.

Məmməd Talıb Qanun Nəşriyyatının zəngin kitab çeşidindən, müxtəlif mövzuları əhatə edən nəşrlərindən və oxuculara təqdim etdiyi seçim imkanlarından da bəhs edib. O, nəşriyyatın müxtəlif yaş və maraq dairələrinə uyğun kitabları oxuculara təqdim etməsini yüksək qiymətləndirərək bu cür təşəbbüslərin ölkədə mütaliə mədəniyyətinin inkişafına töhfə verdiyini qeyd edib.

Qanun Nəşriyyatı olaraq kitabsevərləri mütaliəyə daha çox vaxt ayırmağa və hər gün yeni biliklər qazanmağa dəvət edirik.