Uelbekdən məhtəşəm təsbit

8 June 2026 10

Bir fransız yazıçısı ürəyini oxuyubmuş kimi səninlə bu qədər həmrəy fikirlər ifadə edirsə, dünyanın və həyatın telepatiyasından necə xoşlanmayasan? Məsələn, musiqinin (səsin) öz ilkinliyi səbəbindən guya sözdən (ədəbiyyatdan) üstün olduğu ideyası Mişel Uelbekin (1956) "Təslimiyyət" romanından gətirdiyim bu sitatda darmadağın olur.

Sözə, cümləyə, mətnə çevrilmiş fikir, düşüncə çox yüksək əyarlı məhsuldur.

"Ədəbiyyat qədər musiqi də həyəcan, ruhi sarsıntı, sonsuz kədər və ya heyranlıq doğura bilər; ədəbiyyat qədər rəssamlıq da bir möcüzə, dünyaya yeni bir baxış yarada bilər. Lakin başqa bir insanın bütün ruhu ilə, onun zəiflikləri və böyüklüyü ilə, məhdudluğu və faniliyi ilə, sabit ideyaları və inancları ilə - ümumiyyətlə, onu narahat edən, maraqlandıran, həyəcanlandıran və dəf edən hər şeylə təmas hissini ancaq ədəbiyyat yarada bilər. Yalnız ədəbiyyat sayəsində siz ölmüş şəxsin ruhu ilə yaxın dostunuzla söhbət zamanı hiss etdiyinizdən daha dolğun və daha dərin əlaqə yarada bilərsiniz".

(Üslub və qrammatika tərcüməçinindir)