Qanun Nəşriyyatı 12-ci Bakı Beynəlxalq Kitab Sərgisində iştirak edib.

29 October 2026 12

21–27 oktyabr tarixlərində Bakı Ekspo Mərkəzində keçirilən 12-ci Bakı Beynəlxalq Kitab Sərgisində Qanun Nəşriyyatı da iştirak edib.

Sərgi müddətində Qanun Nəşriyyatı oxuculara müxtəlif janrlarda nəşr olunan kitablarını təqdim edib, yeni və təkrar nəşrləri ilə kitabsevərlərin marağına səbəb olub. Ziyarətçilər nəşriyyatın kitabları ilə yaxından tanış olmaq, sevdikləri əsərləri əldə etmək və müəlliflərlə görüşmək imkanı qazanıblar.

Sərgi çərçivəsində yerli müəlliflərlə yanaşı, xarici müəlliflərlə də görüşlər və imza saatları təşkil olunub. Oxucular Pərinuş Səni, Simon Stranger və Benas Berantas ilə bir araya gələrək müəlliflərlə ünsiyyət qurub, kitablarını imzalatmaq və onların yaradıcılığı haqqında daha ətraflı məlumat əldə etmək fürsəti əldə ediblər.

Yerli müəlliflərin iştirakı ilə keçirilən görüşlər və imza saatları da sərginin diqqətçəkən məqamlarından olub. Bu görüşlər müəlliflərlə oxucular arasında birbaşa ünsiyyətin qurulmasına, ədəbiyyata marağın artırılmasına və kitabların daha geniş auditoriyaya çatdırılmasına töhfə verib.

Qanun Nəşriyyatı sərgi çərçivəsində “Ən fəal nəşriyyat” nominasiyası üzrə də qeyd olunub. Bu nominasiya nəşriyyatın sərgidəki iştirakını və fəaliyyətini fərqləndirən məqamlardan biri olub.

Qanun Nəşriyyatı üçün bu sərgi yalnız kitabların təqdimatı deyil, həm də oxucularla görüşmək, yerli və xarici müəllifləri kitabsevərlərlə bir araya gətirmək, ədəbiyyat ətrafında yeni əlaqələr qurmaq baxımından əhəmiyyətli platforma olub.

Nəşriyyatımızın stendini ziyarət edən, kitablarımıza maraq göstərən, müəlliflərlə görüşlərdə və imza saatlarında iştirak edən bütün oxucularımıza təşəkkür edirik. Ədəbiyyata göstərdiyiniz maraq və dəstək bizim üçün çox dəyərlidir!