Qanun Nəşriyyatında 2025-ci ilin illik fəaliyyət hesabatı təqdim olunub.

27 January 2026 21

23 dekabr 2025-ci il tarixində Qanun Nəşriyyatında 2025-ci ilin illik fəaliyyət hesabatı təqdim olunub.

Təqdimat tədbirində nəşriyyatın təsisçisi və naşiri Şahbaz Xuduoğlu çıxış edərək, il ərzində görülən işləri, əldə olunan uğurları və qarşıdakı hədəfləri ictimaiyyətlə bölüşüb.1492 müəllif hüquqları müqaviləsi 92 yeni nəşr

Hesabatda bildirilir ki, Qanun Nəşriyyatı bu günə qədər ümumilikdə 1492 müəllif hüquqları müqaviləsi imzalayıb. Onlardan 92-si 2025-ci ilin payına düşür.

Hazırda Qanun Nəşriyyatının satışda olan kitablarının sayı 6370 adda təşkil edir. Bu kitablar Azərbaycanın aparıcı satış platformalarında yayılır:

Ali&Nino, Libraff, Qlobus Kitab Evi, Oyal, Zəka Kitab Evi, Məntiq, Məktəbili, Kitab Aləmi, Bakı Kitab Mərkəzi, Elm Qlaksi, KitabEvim.az, Atlas Kitab Evi, Manifest və digər.

İllik hesabat çərçivəsində ən çox satılan müəlliflərin siyahısı da açıqlanıb.Yerli müəlliflər arasında ön sıralarda Mürşüd Mehdi yer alıb.

Xarici müəlliflərdən isə Robert Qrinin “Hökumətin 48 Qanunu”, Ceyms Klirin “Atomik Vərdişlər” kitabları ilin ən çox satılanları sırasına düşüb. Həmçinin, “İlin 100 ən çox satılan kitabı” siyahısı da tədbir zamanı ictimaiyyətə təqdim olunub.

Şahbaz Xuduoğlu təqdimat zamanı həm yerli, həm də beynəlxalq əməkdaşlıqların ildən-ilə genişləndiyini vurğulayıb. Qanun Nəşriyyatı dünyanın nüfuzlu nəşriyyatları ilə müəllif hüquqları üzrə birbaşa müqavilələr bağlayır, yeni müəllifləri Azərbaycan oxucusuna tanıdır.

Təqdimatda Mədəniyyət Nazirliyinin nümayəndəsi Elşad Ərşadoğlu da iştirak edib. O, çıxışında Qanun Nəşriyyatının ölkədə oxu mədəniyyətinin inkişafında oynadığı rolu yüksək qiymətləndirərək qeyd edib:“Qanun Nəşriyyatının ölkədə oxu mədəniyyətinə verdiyi töhfə əvəzsizdir.”

Təqdimatın sonunda Şahbaz Xuduoğlu 2026-cı il üçün əsas yanaşmanı belə ifadə edib: “Bu gün gec olsun, amma keyfiyyətli olsun. Bu, bizim sürətimizin azalması deyil, məsuliyyətimizin, keyfiyyət standartlarımızın və oxucu etibarının artmasıdır.”